अबैध हुण्डीको ४ लाख ३४ हजारसहित यादव पक्राउ

काठमाडौं । जिल्ला प्रहरी कार्यालय पर्साको टोलीले अबैध हुन्डीको ४ लाख ३४ हजार रकमसहित बीरगञ्ज महानगरपालिका वडा न. १६ बस्ने किसन यादवलाई नियन्त्रणमा लिएको छ ।

विशेष सूचनाको आधारमा आइतबार दिउँसो खटिएको टोलीले बीरगञ्ज महानगरपालिका वडा नं. १० आदर्शनगर नबिल बैंक अगाडि सडक खण्डमा एक जना अपरिचित व्यक्ति शंकास्पदरूपमा हिंडिरहेको अवस्थामा नियन्त्रणमा लिएको थियो । नियन्त्रणमा लिएका यादवको खानतलासी गर्दा यादवले लगाएको सेतो जिन्स पाइन्टको खल्तीबाट नेपाली रू. ४ लाख ३४ हजार फेला पारेको थियो ।

हुन्डीको रकम कानूनबमोजिम बरामद गरी मुलुकी अपराध संहिता, यादवलाई २०७४ को दफा १२५ को (क) बमोजिम (हुण्डी सम्बन्धी कारोबार गर्न नहुने) कसूरमा पर्सा जिल्ला अदालतबाट दिन ५ दिन म्याद थप अनुमति लिइ थप अनुसन्धान कार्य भइरहेको जिल्ला प्रहरी कार्यालयका प्रवक्ता डीएसपी किशोर लम्सालले जारी गरेको विज्ञप्तिमा उल्लेख छ ।