बन्दी रिहाइ समारोहमा सहभागी हुन इजरायल जाँदै राष्ट्रपति ट्रम्प

काठमाडौँ । अमेरिकाका राष्ट्रपति डोनाल्ड ट्रम्प बन्दी रिहाइ समारोहमा सहभागी हुन आज इजरायल जाँदै छन् ।

हमासले बन्धक बनाएका बन्दीहरुलाई हालै भएको युद्ध विराम सम्झौता भई बन्दी रिहाइ विशेष समारोहमा सहभागी हुन ट्रम्प इजरायल जान लागेको अन्तर्राष्ट्रिय सञ्चारमाध्यमहरूले जनाएका छन् ।

७ अक्टुबर २०२३ मा हमासले इजरायलमाथि आक्रमण सुरु गरेको थियो, त्यस क्रममा नेपालका विपिन जोशीसहित केही व्यक्तिलाई हमासले कब्जा गरेको थियो । हमासको कब्जामा हालसम्म ४७ जना रहेको र त्यसमा कम्तिमा २० जना जीवित रहेको अनुमान गरिएको छ ।

हालै भएको गाजा शान्ति सम्झौतामा इजरायलले गाजाबाट आफ्ना सेना फिर्ता गर्ने र हमासले बन्दी रिहाइ गर्ने सहमति भएको थियो । नेपाली समयअनुसार आज दिउँसो २:४५ बजेसम्म बन्दी रिहाइको लागि समय तोकिएको छ ।