प्रधानमन्त्री आज बिहान ११ बजे निर्वाचन आयोग जाँदै

काठमाडौं । आज प्रधानमन्त्री ओली  निर्वाचन आयोगको कार्यालय कान्तिपथ जाँदैहनुहुन्छ । नेकपा विवाद र निर्वाचनको तयारीका विषयमा छलफल गर्न आयोगले यही माघ १६ गते नेकपाका दुवै पक्षलाई बोलाएको थियो ।

सडक आन्दोलन गरिरहेको  नेकपा प्रचण्ड  नेपाल समूहले  निर्वाचन आयोगको कार्यालय पुगेर आधिकारिकता दाबी गरे पनि प्रधानमन्त्री समेत रहेका ओली जानुभएको थिएन ।प्रधानमन्त्री आज बिहान ११ बजे आयोगको कार्यालय जाने उनको सचिवालय स्रोतले जानकारी दिएको छ । नेकपाका दुवै समूहले आफूहरु मूल पार्टी रहेको दाबी गर्दै आएका छन् । तर, आयोगले दुवै पक्षको दाबी नपुगेको जनाउँदै आएको छ ।

गत पुस ५ गते प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गर्दै आगामी बैशाख १७ र २७ गते निर्वाचन मिति घोषणा गर्नु भएको थियो ।
संसद विघटन लगत्तै नेकपा विभाजित भएको थियो । एउटा समूहको नेतृत्व ओलीले गर्नु भएको छ  भने अर्कोको नेतृत्व प्रचण्ड र माधव नेपालले गर्नुभएको छ ।