शितल निवासको वार्ता समय २ बजेलाई सारियो

काठमाडौं । अन्तरिम सरकार गठनबारे छलफल गर्न बिहान ९ बजे राष्ट्रपति कार्यालय शीतल निवासमा बोलाइएको वार्ता सरेको छ । राष्ट्रपति कार्यालयले आन्तरिक तयारीका लागि भन्दै बिहान ९ बजेलाई बोलाइएको वार्ता दिउँसो दुई बजेलाई सारेको हो ।

अन्तरिम सरकार गठनका लागि बिहीबारदेखि राष्ट्रपति पौडेलले राजनीतिक दल, संविधानविद्, कानुनविद् र जेनजी प्रतिनिधिहरूसँग वार्ता गरिरहेका छन् ।

अन्तरिम सरकारको नेतृत्व पूर्वप्रधानन्यायाधीश सुशीला कार्कीलाई दिने विषयमा सहमति बनेको छ । तर, संविधानले तोकेको प्रक्रिया कसरी पूरा गर्ने भन्ने विषयमा अझै अन्योल छ ।

बिहीबार मध्यरातबाट सुरु भएको सर्वपक्षीय छलफल शुक्रबार बिहान ३ बजेसम्म चले पनि कार्कीलाई अन्तरिम सरकारको नेतृत्व कसरी दिने भन्ने विषय टुंगोमा पुग्न सकेको छैन । संविधानअनुसार प्रधानमन्त्री प्रतिनिधिसभा सदस्य हुनुपर्ने प्रावधानका कारण वार्ता सहमतिमा पुग्न नसकेको हो ।

जेनजी आन्दोलनका युवाहरूले संसद् विघटनलाई मुद्दा बनाएका छन् । राष्ट्रपति पौडेलले संविधानको धारा ६१ ९४० अन्तर्गत रहेको ‘बाधा अड्काउ फुकाऊ’ प्रावधान प्रयोग गर्न सक्ने÷नसक्ने विषयमा संविधानविद् भीमार्जुन आचार्य, विपिन अधिकारीलगायतसँग छलफल पनि गरेका थिए ।