आज देशव्यापी विरोध प्रदर्शन गर्दै नेपाली कांग्रेस

फाइल फोटो 

काठमाडौं  । जनप्रदर्शन गर्ने लहर नै चलेको बेला नेपाली कांग्रेसले आज (शनिबार) देशभर प्रदर्शन गर्ने भएको छ । प्रधानमन्त्री केपी शर्मा ओली र राष्ट्रपति विद्यादेवी भण्डारीको कदम असंवैधानिक भएको भन्दै प्रमुख प्रतिपक्षी दल नेपाली कांग्रेसले आज  देशभर प्रदर्शन गर्दैछ ।

आज (शनिबार) मध्यान्ह १२ बजे देखि १२ः३० बजेसम्म देशका ७७ वटै जिल्लामा मानव साङ्लोसहित प्रदर्शन गरिने डा.महतले जानकारी दिएका छन् ।देशभर प्रधानमन्त्री ओलीको असंवैधानिक कदमविरुद्ध ७७ जिल्लामा विरोध प्रर्दशन गर्न लागेको डा.महतले बताएका छन् ।

विरोधका लागि कालो मास्क प्रयोग गरिने कांग्रेसको शुभेच्छुक संस्थाहरूले जनाएका छन् । कांग्रेसले प्रधानमन्त्री ओलीद्वारा संसद भङ्ग गरेपछि असंवैधानिक भनेर विरोध गर्दै आएको छ । कांग्रेसले असंवैधानिक कदम बिरुद्ध निरन्तर प्रदर्शनहरू गर्दै आएको छ ।