खडेरीले आक्रान्त मधेशमा राहत प्याकेज व्यवस्था गर्न नारायणकाजीको माग

काठमाडौँ । लगातारको वर्षा अभावका कारण देशभर गर्मीको असर तीव्र बनेको छ भने तराई(मधेशका जिल्लाहरू गम्भीर खडेरीको चपेटामा परेका छन् । खेतबारीमा रोपाइँ ठप्प भएको छ भने खानेपानी समेत अभाव हुन थालेपछि जनजीवन कष्टकर बनेको छ ।

यसै सन्दर्भमा प्रदेश सरकारद्वारा मधेशलाई ‘सुखा क्षेत्र’ घोषणा गरिएको छ । यता संघीय सरकारले पनि मधेश प्रदेशका सबै जिल्लालाई ‘विपद् संकटग्रस्त क्षेत्र” घोषणा गरिसकेको ।

पूर्व उपप्रधानमन्त्री एवं नेकपा ९माओवादी केन्द्र० का वरिष्ठ उपाध्यक्ष नारायणकाजी श्रेष्ठले आफ्नो फेसबुकमार्फत खडेरीबाट प्रभावित जनताको अवस्थाप्रति चिन्ता व्यक्त गर्दै तत्काल राहत प्याकेज घोषणा गर्न सरकारलाई आग्रह गरेका छन् ।

उनले लेखेका छन्, ‘खडेरीको कारण रोपाइँ मात्र होइन, खानेपानी समेत समस्या भएको छ। तर अहिलेसम्म सरकारले त्यसतर्फ समुचित ध्यान दिन सकेको छैन। तत्काल राहत प्याकेज घोषणा गरियोस् ।’

श्रेष्ठले संघीय र प्रदेश दुवै सरकारलाई संकटको समयमा जिम्मेवारीपूर्वक कार्य गर्न आह्वान गरेका छन् ।