भेरी नदीमा टिपर खस्दा ३ जना बेपत्ता

जाजरकोट । भेरी नदीमा टिपर खस्दा ३ जना बेपत्ता भएका छन् । मंगलबार राति जाजरकोटको नलगाड नगरपालिकाको दल्लीबाट जाजरकोटकै रिम्नातर्फ आउँदै गरेको रा१क १५०१ नम्बरको टिपर रुकुमपश्चिमको आठबीसकोट–१४ पिपलचौरस्थित भेरी नदीमा खसेको हो ।

इलाका प्रहरी कार्यालय रिम्नाका प्रहरी नायब निरीक्षक शिउकुमार चौधरीका अनुसार टिपरमा चालकसहित तीनजना सवार रहेका थिए ।

उनीहरुको अवस्था अज्ञात रहेको रहेको उनले बताए । बेपत्ताको खोजी गर्न रुकुमपश्चिम र जाजरकोटको प्रहरी टोली परिचालन गरिएको उनले बताए । उनका अनुसार भेरी नदीमा पानीको मात्रा अत्यधिक भएकाले बेपत्ताको खोजी गर्न कठिनाइ भइरहेको छ । बेपत्ता भएकाहरुको परिचय खुल्न नसकेको प्रहरीले जनाएको छ ।