सुनको भाउले आज फेरि बनायो नयाँ रेकर्ड, तोलाको कति पुग्यो ?

काठमाडौं । नेपाली बजारमा आज (शुक्रबार) सुनको भाउले फेरि नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज सुनको भाउ प्रतितोला एक हजार ४ सय रुपैयाँ बढेर सुनको मूल्यले आज अहिलेसम्मकै उच्च मूल्यको रेकर्ड बनाएको हो।

सुनको भाउ आज प्रतितोला एक लाख ७६ हजार २ सय रुपैयाँ पुगेको महासंघले जनाएको छ। यो अहिलेसम्मकै सबैभन्दा महँगो मूल्य हो। यसअघि यही चैत ६ गते सुनको मूल्य एक लाख ७६ हजार रुपयाँ पुगेर घटेको थियो।

हिजो सुनको भाउ प्रतितोला एक हजार ३ सय रुपैयाँ बढेर एकलाख ७४ हजार ८ सय रुपैयाँ पुगेको थियो।

महासंघका अनुसार आज चाँदीको मूल्य पनि प्रतितोला २० रुपैयाँ बढेको छ। चाँदीको मूल्य आज तोलाको दुई हजार ४० रुपैयाँ पुगेको महासंघले जनाएको छ।