विश्वयुद्धपछि जर्मनीमा चौथो पटक संसद भंग, फ्रेबुअरी २३ मा हुनेछ निर्वाचन

बर्लिन, १३ पुस । जर्मन राष्ट्रपति फ्रान्क वाल्टर स्टेन मेयरले शुक्रबार संसद विघटन गरेका छन् ।

लगत्तै चान्सलर ओलाफ स्कोल्जको गठबन्धन सरकारको पतनपछि फेब्रुअरी २३ मा नयाँ चुनावको मिति घोषणा गरेका छन् ।

गत नोभेम्बर ६ मा गठबन्धन टुटेपछि उनले अल्पमत सरकारको नेतृत्व गरिरहेका थिए । । जर्मनीको स्थिर अर्थतन्त्रलाई कसरी पुनर्जीवित गर्ने भन्ने विवादका बीच उनले अर्थमन्त्रीलाई बर्खास्तसमेत गरेका छन ।

ओलाफ स्कोल्जले १६ डिसेम्बरमा विश्वासको मत गुमाए पछि उनले अल्पमतको सरकारको नेतृत्व गर्दै आएका थिए । यसपछि धेरै प्रमुख दलका नेताहरूले निर्धारित समयभन्दा सात महिना अगाडी फेब्रुअरी २३ मा संसदीय निर्वाचन गराउने सहमति गरेका थिए । दोस्रो विश्वयुद्ध पछिको संविधानले आफैं विघटन गर्न अनुमति नदिने भएकोले स्टाइन मेयरले संसद विघटन गर्ने र निर्वाचन गर्ने कि नगर्ने निर्णय गर्न समय लागेको हो ।

उता, जर्मनीको चान्सलरको चुनावमा मुख्य मुद्दाहरू आप्रवासन, सुस्त अर्थतन्त्रलाई अगाडी बढाउने र युक्रेनलाई रूस विरुद्धको संघर्षमा मद्दत गर्ने भन्नेलगायतका मुद्दा समावेश छन्। जर्मनीको निर्वाचन प्रणालीले परम्परागत रूपमा गठबन्धनहरू बनाउँछ र कुनै पनि पार्टी आफ्नै बलमा पूर्ण बहुमतको नजिक छैन भन्ने सर्वेक्षणले देखाएकाे छ। निर्वाचनपछि नयाँ सरकार गठनका लागि केही सातासम्म वार्ता हुने अपेक्षा गरिएको छ ।

जर्मनीको दोस्रो विश्वयुद्धपछिको संविधान अन्तर्गत समय अघि नै संसद विघटन भएको यो चौथो पटक हो। सन १९७२ मा चान्सलर विली ब्रान्ड, १९८२ मा हेल्मुट कोहल र २००५ मा गेर्हार्ड श्रोडरको कार्यकालमा यस्ताे बिघटन भएको थियो। श्रोडरले विश्वासको मत प्रयोग गरेर चुनावमा जीत हासिल गर्ने साेचेका थिए तर प्रतिद्वन्द्वी एन्जेला मर्केलले थाेरै मतान्तरले बिजयी हासिल गरेकी थिइन ।

यसैबीच, सर्वेक्षणहरूले स्कोल्जको पार्टी फ्रेडरिक मर्जको नेतृत्वमा रहेको रूढीवादी विपक्षी युनियन अप्ठयाराेमा पारेको देखाएकाे छ ।