एनपीएलको प्लेअफमा पुगेका ४ वटै टिमले नगद पुरस्कार पाउने, कुन टिमलाई कति ?

काठमाडौँ – नेपालमा जारी नेपाल प्रिमिएर लिग (आइपीएल) को प्लेअफ चरणमा पुगेका ४ वटै टिमले पुरस्कार पाउने भएको छ । नेपाल क्रिकेट संघ (क्यानं) ले जारी नेपाल प्रिमियर लिगमा उत्कृष्ट हुने टिमहरूले पाउने नगद पुरस्कारको औपचारिक घोषणा गरेको हो ।

क्यानका अनुसार विजेता सहित प्लेअफमा पुगेका चारवटै टिमले नगद पुरस्कार पाउनेछन् । आज विज्ञप्ति जारी गर्दै क्यानले विजेता टिमलाई १ करोड १० लाख रुपैयाँ दिइने जनाएको छ । यस्तै, उपविजेताले ५१ लाख रुपैयाँ पाउने छ । तेस्रो हुने टिमलाई २५ लाख र चौथो हुनेले १५ लाख रुपैयाँ पाउनेछन् ।

एनपीएलको प्लेअफमा जनकपुर बोल्ट्स, सुदूरपश्चिम रोयल्स, कर्णाली याक्स र चितवन राइनोजले स्थान बनाएका छन् । प्रत्येक टिमको कम्तिमा १५ लाख पुरस्कार निश्चित भएको छ ।