सुशील प्याकुरेलद्वारा राजदूत पद अस्वीकार, यस्तो छ कारण

काठमाडौँ । सुशील प्याकुरेलले राजदूत पद अस्वीकार गरेका छन् । प्याकुरेलले राजदूतमा नियुक्त गर्नुअघि आफुसँग कुनै किसिमको सम्पर्क र संकेत नदिइएको उल्लेख गर्दै आफुले प्रधानमन्त्रीलाई पत्र लेखेर आफ्नो सिफारिस फिर्ता लिन अनुरोध गरेको जानकारी दिएका छन् ।

उनले राजदुत नियुक्ति सम्बन्धि विगतमा सरकारले तय गरेका मापदण्ड र संसदीय सुनुवाईको औचित्य र राजदूतको कार्यकालको विषयमा समेत गम्भीर विमर्श आवश्यक रहेको बताएका छन् । उनलाई सरकारले दक्षिण कोरियाको लागि राजदूतमा सिफारिस गरेको थियो ।

अनौपचारिक क्षेत्र सेवा केन्द्र (इन्सेक)का संस्थापक संचालक रहेका प्याकुरेलले भनेको देशको राजदूत नपाएपछि असन्तुष्टी जनाउँदै राजीनामा दिएको स्रोतको दाबी छ । उनले अमेरिका, बेलायत वा यूरोपियन देशको राजदूत खोजेका थिए । तर उनलाई भागबण्डामा दक्षिण कोरिया परेको थियो ।

त्यसो त एमालेको कोटाबाट राजदूत खान पत्रकार गोपाल खनाल, पर्यटन बोर्डका पूर्व सीईओ धनन्जय रेग्मीहरु पनि लागेका थिए । स्रोतका अनुसार रेग्मी २ करोड नै सहयोग गर्न तयार रहेको प्रस्ताव लिएर दौडधूप गरिरहेका थिए भने खनाल राजदूतका लागि रास्वपाका अध्यक्ष तथा गृहमन्त्री रवि लामिछानेका निकट सहयोगीहरुकोमा पुगेको सूचनासमेत बालकोटमा पुगेको छ ।

प्याकुरेलको प्रेस बिज्ञप्ति