अत्यधिक गर्मीले खाेलानाला सुके, पानी नपाएर मर्न थाले जनावर !

बैशाख  । रौतहट जिल्लास्थित लालबकैया नदी लगायत स-साना खोला नाला  सुक्न थालेपछि चौपाया र चराचुरुङ्गी मर्न थालेका छन् ।

करिब दुई महिनाआगाडिदेखि लालबकैया नदी सुकेको छ । पछिल्लो पटक २०८९ साल फागुन महिनामा पानी परेको थियो । त्यसपछि लागातार तापक्रम दैनिक बढोतरी हुँदै गएको छ । हिजो( मंगलबार) रौतहटको अधिकतम तापक्रम ४४ डिग्री सेल्सिएस रेकर्ड गरिएको थियो ।

तापक्रम बढेसँगै पश्चिमी वायुको तेज गतिले सामान्य मानिसको जनजिवन लगायत सवै  प्राणी, बोटबिरुवाका साथै बलीनालीमा समेत असर परेको छ।
यसैबीच पानी खान नपाएर जिल्लाका देवाहीगोनाही नगरपालिका वडा नम्बर २  स्थित एउटा जंगली चौपाया घोड गदहा मृत अवस्थामा फेलापरेको पत्रकार कमल यादवले वताए ।

प्रकृतिक खोला नदी सुकिसकेका कारण जंगली जनावर, छाडा पशुपंक्षी पानी खान नपाएर मर्न थालेको पत्रकार यादवले बताए । सम्बन्धित निकायलाई कृत्रिम पोखरी स्थापना गरी पशुपंक्षीलाई पानी खाने व्यवस्था मिलाउन पत्रकार यादवले सम्बन्धित निकायको ध्यानाकर्षण गराएका छन् । लालबकैया नदीको दायाँबायाँ करिब ५–५ किलो मिटर दुबैतर्फको दूरीमा निजी तथा  सार्बजनिक पोखरी नरहेका कारण जंगली तथा छाडा चौपायालाई पानी खान समस्या भएको देवाही गोनाही नगरपालिकाका नगर प्रमुख प्रेमलाल साहले बताए ।

पानीको समस्या मधेशमै बढ्दै गएको बताउँदै नगरप्रमुख साहले यस्तै गर्मी रहे प्रायः जसो हैण्डपाईप सुक्ने र मानिसलाई पानी खान समेत समस्या हुने बताए । चौपाया तथा  जंगली जनाबर चराचुरुङ्गीलाई आफूले स्थानीयस्तरबाट जन श्रमदान गरी सुकिसकेको  लालबकैया नदीमा पोखरी खनेर पानी खानका लागि व्यवस्था मिलाउन प्रयास गर्ने पूर्व नगरप्रमुख धर्मेन्द्र पटेलले बताए ।