इलाम २ उपनिर्वाचनः एमालेका सुहाङ नेम्वाङ ५,८३० मतान्तरले बिजयी

इलाम । इलाम क्षेत्र नम्बर २ मा नेकपा(एमाले)का सुहाङ नेम्वाङ २७ हजार ७ सय ७२ मत पाएर विजयी भएका छन् ।

मंगलबार बिहान जारी मतपरिणाम अनुसार सुहाङ ५ हजार ८ सय ३० मतान्तरका साथ बिजयी भएका हुन् । उनका निकटतम प्रतिद्वन्द्वी नेपाली कांग्रेसका डम्बर खड्काले २१ हजार ९ सय ४२ मत प्राप्त गरेका छन् ।

२०७९ मंसीर ४ को निर्वाचनमा खड्काले झिनो मतले सुवास नेम्वाङसँग हारेका थिए । तर यो निर्वाचनमा उनका छोरा सुहाङले फराकिलो मतान्तरले पराजीत हुनुपरेको छ । त्यतिबेला ११४ मतले खड्काले पराजयको सामना गर्नुपरेको थियो ।

अन्तिम परिणाम अनुसार पहिचानवादीले खडा गरेका डकिन्द्रसिंह थेगिम सशक्त रुपमा तेस्रो शक्तिका रुपमा देखिएका छन् । थेगिमले ११ हजार ४५७ मत पाएका छन् ।
राष्ट्रिय स्वतन्त्र पार्टीका मिलन लिम्बूले ५ हजार ५० मतका साथ चौथो भएको छ ।