काठमाडौं । सेवाग्राहीसँग घूस लिने सुब्बा र कार्यालय सहयोगीलाई अख्तियार दुरुपयोग अनुसन्धान आयोगको टोलीले पक्राउ गरेको छ ।
मालपोत कार्यालय तुलसीपुर, दाङमा कार्यरत नायब सुब्बा पुष्पराज गिरी र कार्यालय सहयोगी मिनराज गैरेलाई ३ लाख २० हजार रुपैयाँ सहित पक्राउ गरेको हो ।
गिरी र गैरेले जग्गा नापजाँच गरी पूर्जा बनाइदिने बहानामा सेवाग्राहीसँग घूस मागेका थिए ।
सोही उजुरीको आधारमा आयोगको कार्यालय बुटवल, सम्पर्क कार्यालय, नेपालगञ्जबाट खटिएको आयोगको टोलीले शुुक्रबार दुबैलाई घूससहित कार्यालय परिसरबाट नियन्त्रणमा लिएको हो ।