एमाले रौतहट अधिवेशन आजदेखि,ओलीले उद्घाटन गर्ने

काठमाडौं । नेकपा एमालेका अध्यक्ष केपी ओली आज रौतहट जाने भएका छन् । नेकपा एमालेको १० औं जिल्ला अधिवेशनकाे उद्घाटन गर्न अध्यक्ष ओली रौतहट जान लागेका हुन् ।

एमालेको १० औं जिल्ला अधिवेशन माघ २५ र २६ गते गरुडामा हुँदै छ । अधिवेशनको सम्पूर्ण तयारी पूरा भएको तथा भोलिदेखि हुने जिल्ला अधिवेशनको उद्घाटन गर्न अध्यक्ष केपी शर्मा ओली आउने तय भएको नेकपा एमालेका केन्द्रीय सदस्य उद्धब रेग्मीले जानकारी दिएका छन् ।

दशौँ जिल्ला अधिवेशनले रौतहटमा नयाँ जिल्ला कार्य समिति चयन गर्नेछ । एमाले जिल्ला अध्यक्षको लागि चार जनाको नाम चर्चामा रहेको छ। अध्यक्षको लागि अखिलेश्वर चौधरी,सचितानन्द साह,रुपेश पटेल र बबन सिंहको नाम चर्चामा रहेको एमालेका स्थानीय नेताहरुले बताएका छन ।