सवारी दुर्घटनामा दुई जनाको मुत्यु

काठमाडौं । मकवानपुरमा सवारी दुर्घटनामा परि दुई जनाको मृत्यु भएको छ । फरक फरक घटनामा परि दुई जनाको मृत्यु भएको हाे ।

प्रहरीका अनुसार अन्य २ जना घाइते भएका छन् । गएराति हेटौंडाको थानाभर्याङमा मोटरसाइकल दुर्घटनामा परेर एक युवकको मृत्यु भएको जिल्ला प्रहरी कार्यालय मकवानपुरले जनाएको छ ।

आइतबार राति १०:५० बजेको समयमा हेटौंडा-११ थानाभर्याङमा हेटौंडा बजारबाट नवलपुर तर्फ जाँदै गरको ना ६५ प ७०५५ नम्बरको मोटरसाइकल अनियन्त्रीत भई दुर्घटना भएको प्रहरीले बताएको छ ।

प्रहरीका अनुसार मोटरसाइकलमा सवार ३ जना मध्ये एक जनाको मृत्यु भएको र अन्य २ जना घाइते भएका छन् । मृत्यु हुनेमा मोटरसाइकल चालक हेटौंडा- ४ कमलडाडा बस्ने वर्ष २२ को महेन थापा मगर रहेका छन् ।

मोटरसाइकलको बिचमा सवार हेटौंडा-२ संगमचोक बस्ने वर्ष १८ की बेबिसा खड्गी र पछाडी सवार हेटौंडा-५ गर्दोइ बस्ने वर्ष १९ की बिनिता थापा घाइते भएका छन् । घाइते मध्ये खड्गीलाई थप उपचारको चितवनस्थिति नयाँ मेडिकल कलेज भरतपुर रिफर गरिएको छ भने घाइते बिनिता थापाको हेटौंडा अस्पतालमा उपचार पछि डिस्चार्ज गरिएको प्रहरीले जनाएकाे छ ।

त्यस्तै गत कात्तिक २४ गते भएको सवारी दुर्घटनामा घाइते भएका अर्का एक जनाको मृत्यु भएको छ । २४ गते राती ११ः५० बजेको समयमा आफ्नै घरमा अटो पार्क गर्ने क्रममा घरबाट करिव ६० मिटर तल केराबारीमा खसेको थियो । उक्त घटनामा घाइते भएका मकवानपुरगढि-५ खैरहनी लखनटोल बस्ने वर्ष ३३ को लक्ष्मण स्याङ्तानको उपचारको क्रममा मृत्यु भएको प्रहरीले बताएको छ ।

हेटौंडा बजारबाट आफ्नै घर गई ना१ह ३५४४ न.को अटो ब्याक गरी पार्किङ गर्न खोज्दा करेसाबारीमा खसेको थियो । अटोसंगै खसेका स्याङ्तानको पुरानो मेडिकल कलेज भरतपुर चितवनमा गजएराती मृत्यु भएको प्रहरीले जनाएको छ ।