कोशी प्रदेशमा दुई मन्त्रीले लिए शपथ

काठमाडौं । कोशी प्रदेश सरकारमा दुई जना नयाँ मन्त्री थप भएका छन् । नवनियुक्त दुवै मन्त्रीलाई प्रदेश प्रमुख परशुराम खापुङले आज पद तथा गोपनियताको शपथ गराएका हुन्।

नयाँ मन्त्रीहरुमा नेकपा माओवादी केन्द्रबाट गणेश उप्रेती (सुशील) र नेकपा एकीकृत समाजवादीबाट पाँचथरका कमलप्रसाद जवेगु मन्त्री बनेका हुन् ।

नेकपा एमालेको समर्थनमा काँग्रेसका ८ सांसदसहित विद्रोह गरेर संविधानको धारा १६८ को ५ अनुसार २७ भदौमा मुख्यमन्त्री बनेका केदार कार्कीले २८ भदौमा कांग्रेस विद्रोही पक्षबाट समशेर राई र एमालेबाट राम रानालाई विना विभागीय मन्त्री नियुक्त गरेका थिए ।

कार्कीले सहमतीय सरकार बनाउन भन्दै माओवादी र एकीकृत समाजवादीलाई सरकारमा सहभागी गराए पनि एमालेले भने सरकारबाट बाहिरने चेतावनी दिएको छ ।