आज घटस्थापन, जमरा राख्नका लागि चोखो बालुवा निकाल्न बिहानैदेखि बागमतीमा भीड

काठमाडौँ। आज (आइतबार) देखि नेपालीहरूको महान् पर्व बडादसैँ सुरु भएको छ ।यस विजयादशमीको पहिलो दिन आज घरघरमा कलश स्थापना गरी घटस्थापना मनाइँदै छ ।

गुहेश्वरी प्राङ्गण हुँदै बहने बाग्मती नदीबाट बालुवा निकालेर घरमा जमरा राख्न माटो लानेको बिहानैदेखि बाक्लो उपस्थित देखिन्छ । कलशको स्थापना गरी यस दिन नदी, खोला, बगर या आफूलाई पायक पर्ने ठाउँमा गई चोखो बालुवा वा माटो ल्याई दसैँ घर वा पूजा कोठामा राखी त्यस चोखो माटो या बालुवामा जमरा उमार्न, जौ तथा मकै छर्ने प्रचलन रहेको छ ।

जौलाई वैदिक यज्ञका लागि अत्यावश्यक वस्तु मानिन्छ । माता भगवतीलाई मन पर्ने वनस्पतिमा जमरा पनि एक भएकाले भगवतीलाई खुसी पार्नका लागि जमरा उमार्ने गरिएको शास्त्रमा उल्लेख छ ।

आज देखि हिन्दु धर्मालम्बीहरुले ९ दिन सम्म शक्तिपीठहरुमा माता दुर्गाको पूजाआजा गर्ने गर्दछन् ।