डाक्टर कुट्नेलाई कडा कारबाहीको माग गर्दै काठमाडौं मेडिकल कलेजमा आज पनि प्रदर्शन

काठमाडौँ। काठमाडौं मेडिकल कलेज (केएमसी)को नेफ्रोलोजी ओपीडीमा कार्यरत इन्टर्न चिकित्सक मनिष खड्कामाथि आक्रमण तथा हातपात गर्नेलाई तत्काल कारबाहीको माग गर्दै डाक्टरहरुले विरोध प्रदर्शन गरेका छन् ।

उक्त डाक्टर कुटपिटको विरोधमा आज सोमबार पनि राजधानीको काठमाडौँ मेडिकल कलेजमा कार्यरत डाक्टरहरुले विरोध प्रदर्शन गरेका हुन् ।

डाक्टरहरुले मेडिकल कलेज अगाडि सडकमा बसेर प्रदर्शन गरेका छन् । कुटपिटमा संलग्नमध्ये २ जना पक्राउ परेपनि एक जना अझै फरार रहेको उनीहरुको भनाइ छ । उनीहरुले दोषीमाथि कडाभन्दा कडा कारबाहीको माग गरेका छन् ।

आइतबार आपसी विवादका क्रममा विरामीका आफन्तले चिकित्सकमाथि हातपात गरेको बताइएको छ ।