चलचित्र ‘हात्तीछाप’मा यस्तो छ दया र उपासनाको लुक्स

काठमाडौँ । आगामी माघको २६ गतेबाट प्रदर्शनमा आउन लागेको फिल्म ‘हात्तीछाप’ अहिले व्यापक चर्चामा छ। निर्माण युनिटले उक्त फिल्ममा रहेको कलाकारको विभिन्न लुक्स सार्वजनिक गर्दै फिल्मको प्रचार प्रसार गरिरहेको छ ।

यसैगरी फिल्ममा रहेको चर्चित अभिनेता दयाहाङ राई र अभिनेत्री उपासना सिंह ठकुरीको लुक्स सार्वजनिक गरेको छ । फिल्मको एक नयाँ पोष्टर मार्फत उनीहरुको लुक्स सार्वजनिक गरेको हो । पोष्टरमा दयाहाङ र उपसाना बाँधिएको अवस्थामा देखिएका छन्, भने उनीसँगै बन्दुक लिएर एक मानिस उभिएको देख्न सकिन्छ ।

यस चलचित्रमा दयाहाङ राई, सौगात मल्ल, विल्सन विक्रम राई, उपासना सिंह ठकुरी, बेनिशा हमाल, बुद्धि तामाङ, विजय बराल, कमलमणि नेपाल, पुष्कर गुरुङ, प्रकाश घिमिरे, भोलाराज सापकोटा, विनोद न्यौपाने, कविता आले, सुष्मा निरौला, रीयर राई, अनुप न्यौपाने, स्वस्तिका खड्का, नारायण खाती, अनिता गिरी, बेन भुजेल लगायतको अभिनय छ ।

प्रदीप भारद्धाजको लेखन रहेको यस फिल्ममा किरण नेपालीको प्रस्तुतिमा र सरोज नेपालीको कार्यकारी निर्माणमा तयार भएको हो । पुष्कर गुरुङ र अमला देवी राइको निर्माण रहेको फिल्म सुशान्त प्रजापतिले छायांकन गरेका भने फिल्मका निर्देशक सिमोस सुनुवार रहेका छन् ।