राष्ट्रपति पौडेलले बोलाए सर्वदलीय बैठक

काठमाडौं। राष्ट्रपति रामचन्द्र पौडेलले सर्वदलीय बैठक बोलाएका छन् । संसदको अवरोध हटाउने विषयमा छलफल गर्न राष्ट्रपतिले मंगलबार बिहान साढे ८ बजेका लागि सर्वदलीय बैठक बोलाएका हुन् ।

शीतल निवासमा बस्ने बैठकमा संसदमा प्रतिनिधित्व गर्ने सबै दललाई बोलाइएको बताइएको छ । जसअनुसार बैठकमा प्रधानमन्त्री र सभामुखका साथै शीर्ष नेताहरु र प्रमुख सचेतक, सचेतकलगायतको सहभागिता रहने छ ।

सुन तस्करी प्रकरणमा नेकपा एमालेले उच्चस्तरीय न्यायिक छलफल गठनको माग राख्दै गत साउन १० देखि संसद् बैठक अवरुद्ध पार्दै आएको छ । यो बीचमा विभिन्न तहमा छलफल भएपनि सहमति जुट्न नसकेपछि राष्ट्रपतिले बैठक आह्वान गरेका हुन् ।