एम्बुलेन्स फिर्ताको बारेमा लेख्ने मिडियालाई रविको जवाफः मान्छेको पछि लाग्न छाडेर किन बसको पछि लाग्छौ ?

काठमाडौं । राष्ट्रिय स्वतन्त्र पार्टी(रास्वपा)का सभापति रवि लामिछानेले चितवनमा सञ्चालनमा ल्याएको ना २ ख ५६१९ नम्बरको एम्बुलेन्स पुरानो मेडिकल कलेज भरतपुरलाई नै फिर्ता गरेको र ब्लु बसका  बिषयमा समाचार प्रकाशित भएपछि गाडीको पछि नलाग्न चेतावनी दिएका छन् ।

सामाजिक संजालमा लामिछानेले मोवाइल क्लीनीकमा प्राप्त गाडीमात्र परिवर्तन हुन लागेको उल्लेख गर्दै क्लीनीक चालू रहेको उल्लेख गरेका छन्, जुगेडी क्षेत्रमा क्लीनीकमा बा आमाको सेवा भइरहेको छ । क्लीनीक रोकिने होइन, २ वटा हुन्छ । ब्लु बसमा कुनै समस्या नरहेको भए पनि मिडियाले हेडलाइन बनाएकोमा उनले आपत्ति प्रकट गरेका छन् । र, मिडियाप्रति संकेत गर्दै उनले लेखेका छन्, सक्दैनौं, सक्दै सक्दैनौं ।

लामिछानेले लेखेका छन्–‘कठै, मोबाइल क्लिनिकमा हामीलाई प्राप्त गाडी मात्र परिवर्तन हुन लागेको हो । मोबाइल क्लिनिक चालू छ । आज जुगेडी क्षेत्रमा बा आमाको सेवामा हुनेछ । यो रोकिने होईन, छिट्टै २ वटा हुन्छ । ब्लु बसमा पनि कुनै समस्या छैन । मान्छेको पछि लाग्न छोडेर अब गाडीको पछि ?? भोलि टायर पुरानो भनेर लेख्न तयार हुनु होला । हैट हेडलाइन आतंक …हैरानी । सक्दैनौं, सक्दै त सक्दैनौं ।’