कोशी: कामचलाउ मुख्यमन्त्रीमा आज हिक्मत कार्कीले पदबहाली गर्दै

विराटनगर। कोशी प्रदेशका मुख्यमन्त्री नेपाली कांग्रेस संसदीय दलका नेता उद्धव थापाको नियुक्ति सर्वोच्च अदालतले बदर गरेसँगै यसअघि मुख्यमन्त्री रहेका हिक्मत कार्कीले आज पदबहाली गर्दै छन्।

कार्कीले दोस्रोपटक मुख्यमन्त्रीमा आज शुक्रबार बिहान ११ बजे प्रदेश प्रमुखबाट काम चलाउ मुख्यमन्त्रीमा आज पदबहाली गर्ने भएका हुन्।

कार्की साउन १७ गतेसम्म प्रदेशको कामचलाउ मुख्यमन्त्री रहने छन्।

सर्वोच्चले १७ गतेभित्र मुख्यमन्त्री नियुक्त गरिसक्ने गरी प्रक्रिया अघि बढाउन प्रदेश प्रमुख कार्यालयलाई आदेश समेत गरेको छ।

सर्वोच्च अदालतका न्यायाधीशत्रय ईश्वरप्रसाद खतिवडा, डा. आनन्दमोहन भट्टराई र तिलप्रसाद श्रेष्ठको पूर्ण इजलासले थापाको नियुक्ति बदर गर्दै कार्कीलाई नै मुख्यमन्त्रीको जिम्मेवारी दिन आदेश दिएको हो।

आदेशमा सात दिनभित्र संविधानको धारा ६१ (२) अनुसारको सरकार गठनको प्रक्रिया अघि बढाउन भनिएको छ।

त्यसरी बहुमत पु‍¥याएर कसैले बहुमत देखाउन नसकेमा वा विश्वासको मत प्राप्त गर्न नसकेकामा धारा १६८ (३) अनुसारको प्रक्रिया अघि बढ्ने पनि आदेशमा उल्लेख छ।