कोशी प्रदेशका नवनियुक्त मन्त्रीहरूले लिए पद तथा गोपनीयताको शपथ

विराटनगर । कोशी प्रदेशका मुख्यमन्त्री उद्धव थापाले मन्त्रिपरिषद् विस्तार गरेका छन् ।

मुख्यमन्त्री थापाले मन्त्रिपरिषद् विस्तार गरेसँगै नवनियुक्त मन्त्रीहरूले आजै शपथ लिएका छन् । उनीहरू तीनै जनालाई मुख्यमन्त्री थापाले आज मन्त्री नियुक्त गरेका थिए ।

माओवादीबाट नियुक्त भएका जीवन आचार्य र राजेन्द्र कार्की, नेपाली काङ्ग्रेसबाट नियुक्त भएका रामकुमार खत्रीले पद तथा गोपनीयताको शपथ लिएका हुन् ।

आचार्यलाई आर्थिक मामिला तथा योजना मन्त्रीको जिम्मेवारी दिइएको छ । अरु भने विनाविभागीय छन् ।

बिहीबार मुख्यमन्त्री नियुक्त भएका थापाले शुक्रबार शपथ ग्रहण गरेका थिए । सो दिन नेपाली कांग्रेस र एकीकृत समाजवादीका एक-एक जनालाई मन्त्री नियुक्त भए पनि माओवादी केन्द्र सहभागी भएको थिएन ।