कैलालीमा जिपको ठक्करबाट घाइते भएका युवकको मृत्यु

काठमाडौं । कैलालीमा जिपको ठक्करबाट घाइते भएका मोटरसाइकल चालकको ज्यान गएको छ । बिहीबार राति पूर्वपश्चिम राजमार्ग अन्तरगत गोदावरी नगरपालिका- ४ खैरेनामा प्रदेश ३-०१-०२४च ५१४८ नम्बरको जिपले से३प ८९२५ नम्बरको मोटरसाइकललाई ठक्कर दिंदा घाइते भएका उनको उपचारका क्रममा मृत्यु भएको हो ।

मृत्यु हुनेमा डोटीको शिखर नगरपालिका-९ बस्ने ३५ वर्षीय राजेन्द्रसिंह खड्का रहेका छन् । छाती र मुखमा गम्भीर चोट लागेका उनको धनगढीस्थित माया मेट्रो अस्पतालमा उपचारका क्रममा शनिबार राति मृत्यु भएको प्रहरीले जानकारी दिएको छ ।

उनलाई ठक्कर दिने जिप र चालक गोदावरी नगरपालिका-१ का ४२ वर्षीय झलक ऐडीलाई प्रहरीले नियन्त्रणमा लिएको छ ।