वामदेवकाे योग्यतामाथि प्रश्न उठाउँदै यी महिलाले दिइन प्रधानमन्त्रीलाई निवेदन

काठमाडौं । नेकपा सचिवालय सदस्य वामदेव गाैतमकाे योग्यतामाथि प्रश्न उठाउँदै साेही पार्टी नेतृले प्रधानमन्त्रीलाई निवेदन दिएकी छन्।आफुलाई राष्ट्रियसभाको रिक्त एक सिटमा नियुक्ती गर्नु पर्ने माग राखेर चितवनकी नेतृ तारा बरालले प्रधानमन्त्री तथा मन्त्रिपरिषदको कार्यालयमा निवेदन दिएकी हुन् ।

आइतबार सिंहदरबारस्थित प्रधानमन्त्रीको कार्यालयमा पुगेर राष्ट्रियसभा सदस्यका लागि आफू योग्य भएको उल्लेख गर्दै निवेदन दिएको बताएकी छिन् । उनले यदि आफूलाई नियुक्त नगरी सरकारले चित्तबुझ्दो जवाफ नदिए अदातलको ढोका ढक्ढकाउने चेतावनी समेत दिएकी छिन् ।

उनले राष्ट्रियसभा जस्तो गरिमायुक्त सदनलाई चुनाव हारेका व्यक्तिहरु थुपार्ने ठाउँ बनाउन लागेको भन्दै त्यसको गरिमालाई कायम राख्न आफू योग्य व्यक्ति भएको उनको जिकिर छ ।

सरकारको सिफारिसमा राष्ट्रपतिबाट नियुक्त गर्ने राष्ट्रियसभा सदस्यको रिक्त एक सिटमा नेकपा सचिवालय सदस्य वामदेव गौतमलाई लैजानेबारे नेकपाले निर्णय गरेको छ । यद्यपि यसबारे सरकारले हालसम्म राष्ट्रपतिलाई सिफारिस भने गरेको छैन ।

उनले दिएको निवेदनमा भनिएको छ, ‘यदि मलाई अयोग्य ठहर्याएर चुनाव हारेको वामदेवलाई योग्य ठहर्याए भने म त्यसको कानूनी जवाफ पनि खोज्छु । मलाई लिखित जवाफ चाहिन्छ भनेर उल्लेख गरेर नै निवेदन हालेको छु । यदि मलाई अयोग्य ठह-याइयो भने हारेको व्यक्ति योग्य र म किन अयोग्य भनेर अदालत जाने सोच पनि बनाएको छु ।’