नेकपाको सचिवालय बैठक सुरु, दुई एजेण्डामा छलफल हुने

काठमाडौं । नेपाल कम्युनिष्ट पार्टी(नेकपा) को सचिवालय बैठक सुरु भएको छ । प्रधानमन्त्री निवास बालुवाटारमा भैरहेको बैठकले महत्वपूर्ण निर्णय लिने तयारी गरेको थाहा भएको छ । 

आजको बैठकको दुई एजेण्डा भनेको राष्ट्रिय सभामाको एउटा सिटमा नेकपा उपाध्यक्ष वामदेव गौतमलाई लाने कि अर्थमन्त्री डा.युवराज खतिवडा भन्ने निर्णय हुनेछ । अहिले सचिवालयका अधिकांश सदस्य वामदेवकै पक्षमा उभिएका छन् । सोहीकारण उनकै सम्भावना बलियो रहेको विश्लेषण भैरहेको छ । 

यस्तै नेकपा कार्यदलले बुझाएको प्रतिवेदनमा समेत छलफल हुने भनिएको छ । वामदेवलाई सांसद बनाउने प्रस्तावमा धेरै विवाद नभएमा बैठकले कार्यदलको प्रतिवेदनमा समेत छलफल गर्ने तयारी रहेको हो ।