यसरी मनाइयो भक्तपुरमा सिन्दुरे जात्रा (तस्बिरहरु)

भक्तपुर। आज भक्तपुरको मध्यपुर थिमीमा सिन्दुर जात्राको रौनक सुरु भएको छ। मध्यपुरथिमी क्षेत्रमा सिन्दूरले रंगिएर सिन्दुरे जात्रा मनाइएको छ। मध्यपुर थिमिमा बासिन्दाले शनिबार बिहान ३२ खटसहितको सिन्दुरे जात्रा मनाएका हुन् ।

थिमिको बालकुमारी मन्दिर परिसरमा सिन्दुर जात्रा गरी २८ देवीदेवताका मूर्तिलाई खटमा राखेर नगर परिक्रमा गराइएको थियो। बिस्केट जात्राको अवसरमा थिमिका स्थानीयवासीले बिहानैदेखि हर्षोल्लासका साथ सिन्दुर खेलेर सिन्दुर जात्रा मनाउने गर्दछन् ।

हरेक नयाँ वर्षको भोलिपल्ट मध्यपुर ठिमीमा सिन्दूरजात्रा मनाउने गरिन्छ । चलन अनुसार मध्यपुर तिमिवासीहरूले एक आपसमा सिन्दूर छ्यापेर बाजागाजा तथा नाचगानसहित जात्रा मनाएका हुन् ।