दार्चुलामा १७ वर्षीय प्रेमी–प्रेमिका मृत फेला

काठमाडौं । दार्चुलाको नौगाड गाउँपालिका–४ स्थित सिप्टी जाने सडक खण्डको बासिडाँडामा प्रेमी–प्रेमिका मृत अवस्थामा भेटिएका छन् ।

दार्चुलाका डिएसपी तर्कराज पाण्डेका अनुसार नौगाड–४ घर भएका लोकेन्द्र ठगुन्ना र सन्जिला धामीको शव भेटिएको हो । सडकबाट करिब २५० मिटर तल भेटिएको शव प्रहरीले आज बिहान उठाएर अस्पतालमा पठाएको छ । मृतकहरु दुवैजना १७ वर्षका छन् ।

किशोरीको शरीरमा चोटपटक लागेको छ । प्रेमीको शव भिरमा अड्किएको अवस्थामा भेटिएको छ । घटनास्थमा आंशिक फुटेको अवस्थामा मोबाइल भेटिएको डिएसपी पाण्डेले जानकारी दिए ।

चैत २९ मा उनीहरु मेला हेर्न घरबाट बासिडाँडातर्फ लागेका थिए । उक्त घटनाबारे अनुसन्धान भइरहेको प्रहरीको भनाइ छ।