रविसँग भोट माग्न रास्वपा कार्यालय पुगे रामचन्द्र पौडेल

काठमाडौं । आठ दलीय गठबन्धनबाट राष्ट्रपति पदमा उम्मेदवार रहेका नेपाली कांग्रेसका वरिष्ठ नेता रामचन्द्र पौडेल आफ्नो लागि भोट माग्न राष्ट्रिय स्वतन्त्र पार्टीको कार्यालय पुगेका छन् । आज रास्वपा कार्यालय बसुन्धरा पुगेर पौडेलले सभापति रवि लामिछानेसहित नेताहरुसँग आफूलाई भोट दिन आग्रह गरेका हुन् ।

पौडेलसँग नेपाली कांग्रेसका प्रवक्ता डा. प्रकाशशरण महत, प्रमुख सचेतक रमेश लेखकलगायतका नेताहरु पुगेका छन् । रास्वपाको तर्फबाट छलफलमा सभापति लामिछाने, उपसभापति डीपी अर्याललगायत नेताहरु सहभागी छन् ।

बिहीबार एमालेका उम्मेदवार सुवास नेम्वाङले पनि रास्वपा नेताहरुलाई भेटेर आफूलाई भोट दिन आग्रह गरेका थिए ।