ओलीसँगको भेटेपछि प्रधानमन्त्री प्रचण्डले भने, राष्ट्रपतिबारे केही दिनमै टुंगो लाग्छ

काठमाडौं । प्रधानमन्त्री पुष्पकमल दाहाल प्रचण्डले सत्तारुढ गठबन्धन नभत्किने बताएका छन् । उनले आज गठबन्धनको प्रमुख घटक नेकपा एमालेका अध्यक्ष केपी शर्मा ओलीसँगको भेटवार्तापछि बालकोटबाट निस्कने क्रममा पत्रकारहरुसँग यस्तो बताएका हुन् ।

आफूहरु एकै ठाउँमा रहेको उल्लेख गर्दै प्रधानमन्त्री प्रचण्डले केही दिनमै राष्ट्रपतिबारे सहमति हुने बताएका छन् ।

उनले भने, ‘गठबन्धन अहिले नि कायम नै छ, मिलेर नै अघि बढ्ने छौं, गठबन्धन छुट्नेरभत्कने कुरै छैन । राष्ट्रपतिको पनि १(२ दिनमा सहमति मै टुंगो लाग्छ ।’

माओवादी केन्द्रका अध्यक्ष समेत रहेका प्रधानमन्त्री प्रचण्ड ओलीलाई भेट्न उनकै निवास बालकोटमा पुगेका थिए ।