जापानका पूर्वप्रधानमन्त्री शिन्जो आवेको राजकीय अन्त्येष्टि

काठमाडौँ। जापानका ६७ वर्षीय पूर्वप्रधानमन्त्री शिन्जो आवेको मंगलबार राजकीय अन्त्येष्टि भएको छ। जापानको राजधानी टोकियोमा भएको शिन्जो आवेको राजकीय अन्त्येष्टिमा विदेशी पाहुनासहित ४५ सय जना भन्दा बढी विश्वभरका नेता सामेल भएका छन्। ६७ वर्षीय शिन्जो आवे जापानमा सबैभन्दा लामो समयसम्म प्रधानमन्त्री पदमा रहेका थिए।

तीन महिना पहिले जुलाई ८ मा आवेको एक राजनीतिक कार्यक्रमममा गोली हानेर हत्या भएको थियो । जापानमा सामान्यतया राजपरिवारका सदस्यको निधन हुँदा मात्रै राजकीय अन्त्येष्टिको व्यवस्था हुने गर्छ। तर लामो समयसम्म प्रधानमन्त्री पदमा रहेको भन्दै आवेको पनि राजकीय अन्त्येष्टि दिइएको हो।

आवेको अन्त्येष्टि समारोहमा एक करोड १४ लाख अमेरिकी डलर बराबरको खर्च अनुमान गरिएको छ। अन्तेष्टि समारोहमा राज्यको ठूलो रकम सम्पत्ति खर्च गरिएको भन्दै सर्वसाधारणले प्रदर्शन गरेका हुन् ।