काठमाडौं । हाल देशभरको मौसममा आंशिकदेखि सामान्य बदली रहेको छ । त्यसैको प्रभावले आज बागमती प्रदेशका थोरै स्थानहरुमा र प्रदेश-१, मधेश प्रदेश, कर्णाली प्रदेश र सुदूरपश्चिम प्रदेशका एक-दुई स्थानमा हल्कादेखि मध्यम वर्षा भइरहेको छ ।
आज दिउँसो लुम्बिनी प्रदेश, कर्णाली प्रदेश र सुदूरपश्चिम प्रदेशका केही स्थानहरूमा र बाँकी प्रदेशका थोरै स्थानहरुमा हल्कादेखि मध्यम वर्षाको सम्भावना रहेको छ । राति तराईका केही स्थानहरुमा हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।
त्यसैगरि पहाडी क्षेत्रहरू जहाँ भारी वर्षाको सम्भावना रहेको छ त्यस्ता ठाँउहरुमा पहिरोको जोखिम रहनुको साथै नदी तथा खोलाहरूमा पानीको सतह बढ्न सक्ने भएकोले आवश्यक सतर्कता अपनाउन महाशाखाले अनुरोध गरेको छ ।
