महामन्त्री शर्मा भन्छन्- काठमाडौंका सचेत मतदाताले बालेनलाई जिताएर हामीलाई बदलिन सन्देश दिए

काठमाडाैं । नेपाली कांग्रेसका महामन्त्री विश्वप्रकाश शर्माले काठमाडौं महानगरपालिका नवनिर्वाचीत मेयरमा बालेन शाहलाई बधाई दिँदै आफूहरू बदलिनुपर्ने समय आएकाे बताएका छन् ।

उनले काठमाडौंका सचेत मतदाताले स्वतन्त्र उम्मेदवार बालेनलाई जिताएर मतदाताले आफूहरूलाई बदलिन सन्देश दिएको बताएका हुन् ।

‘बालेनलाई बधाई दिउँ, बदलौं आफूलाई। बालेनलाई जिताएर काठमाडौंका सचेत मतदाताले हामीलाई बदलिन सन्देश दिएका छन्, ट्वीट गर्दै शर्माले भने,जनताको काममा जननिर्वाचित मेयरलाई सघाउनु हामी सबैको कर्तव्य हो।’

बालेनको जितमा जनताले आशा देखेको बताउँदै शर्माले भने, ‘बालेनको विजय हाम्रो पराजय मात्र होइन उनीप्रति आशा र विश्वासको जित पनि हो,’ उनले भने, ‘लोकतन्त्रमा जनता जनार्दनको फैसला सर आँखो पर।’

बालेनलाई दिउँ बधाई ! बदलौं आफुलाई !
बालेनलाई जिताएर काठमाडौका सचेत मतदाताले `हामी´ लाई बदलिन सन्देश दिएका छन् !

जनताको काममा जननिर्वाचित मेयरलाई सघाउनु हामी सबैको कर्तव्य हो ! pic.twitter.com/C2fEptVOW3

— Bishwa Prakash शर्मा (@bishwaprakash77) May 26, 2022