‘हतारमा निर्णय गरेर फुर्सदमा पछुताउने पक्षमा छैन’ – प्रचण्ड

चितवन । नेपाल कम्युनिष्ट पार्टी (नेकपा) अध्यक्ष पुष्पकमल दाहाल प्रचण्डले पार्टी एकतालाई जोगाउन आफूले संघर्ष गरिरहेको बताएका छन् । उनले आफू हतारमा निर्णय गरेर फुर्सदमा पछुताउने पक्षमा नरहेकाे स्पष्ट पारेका छन् ।

अध्यक्ष प्रचण्डले शनिबार भरतपुर महानगरपालिका र माडी नगरपालिकाभित्र बाढी प्रभावित विभिन्न स्थानहरूकाे अवलोकन पश्चात माडीमा आयोजित भेटघाट कार्यक्रममा यस्तो बताएका हुन् । 

नेकपाकाे जारी विवादकाे बारेमा बताउने क्रममा प्रचण्डले पार्टी विरुद्ध षड्यन्त्र भएकाे बताए। कोरोनाको परिवेश देखाएर केही तत्व पार्टी ध्वस्त बनाउन लागि परेको प्रचण्डकाे दावी थियो । ‘केही तत्व कहिले मलाई र कहिले प्रधानमन्त्री ओलीलाई उचाल्न सक्रिय छन्, तर हामी सधैं एक छौं’, उनले भने ।