काठमाडाैं । प्रधानन्यायाधीश चोलेन्द्र शमशेर जबरालाई राजीनामा दिन नेपाल बार एशोसिएसनले शुक्रबारसम्मको ‘अल्टिमेटम’ दिएको छ ।
प्रधानन्यायाधीश जबराले सर्वोच्च अदालतमा अनियमितता र भ्रष्टाचारको नेतृत्व गरेको आरोप लगाउँदै बार एशोसिएसनका अध्यक्ष चण्डेश्वर श्रेष्ठले राजीनामा दिन शुक्रबारसम्मको ‘अल्टिमेटम’ दिएका हुन् ।
बार एशोसिएसनले बिहीबार आयोजना गरेको पत्रकार सम्मेलनमा उनले शुक्रबारसम्म प्रधानन्यायाधीशको राजीनामा नआए आफूहरुले थप सशक्त कार्यक्रम ल्याउने चेतावनी समेत दिएका छन् ।
प्रधानन्यायाधीशमा नियुक्त भएदेखि नै जबराले न्यायालयमा भ्रष्टाचार र अनियमितताको अध्याय सुरु गरेको उनको भनाइ थियो ।
बिहीबार प्रहरी हस्तक्षेपका कारण शारीरिक चोट लागेका श्रेष्ठले भने, ‘म आफ्नो शरीरमा लागेको घाउलाई भरे सेक्नेछु र यसलाई निको तुल्याउने छु तर यो आन्दोलनबाट भाग्दिनँ ।’
