काठमाडौँ । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले प्रधानन्यायाधीश चोलेन्द्र शमशेर जबरालाई पदबाट हटाउन अदालत अगाडि नभई पार्टी कार्यालयमा प्रदर्शन गर्नुपर्ने बताएका छन् ।
नेपाल बार एशोसिएसनले जबराविरुद्ध आन्दोलन गरिरहेको बेला अध्यक्ष थापाले बुधबार दिउँसो सामाजिक सञ्जाल ट्वीटरमार्फत यस्ताे बताएका हुन् ।
अध्यक्ष थापाले प्रधानन्यायाधीश जबरालाई हटाउने एकमात्र वैधानिक बाटो महाभियोग भएको बताउँदै त्यसका लागि आन्दोलनरत समूहले अदालत अगाडि नभई पार्टी कार्यालयमा प्रदर्शन गर्नुपर्ने सुझाव दिएका हुन् ।
उनले लेखेका छन्- ‘प्रधानन्यायधीश विरुद्ध आन्दोलन गरिरहेका अधिवक्ताहरुलाई थाहा छ प्रन्या हटाउने एकमात्र वैधानिक बाटो महाभियोग हो। महाभियोग लगाउने दलले हो।अधिकांश वकिलहरु दलसँग आबद्ध छन् । बारको चुनाव दलगत आधारमा हुन्छ।त्यसैले प्रन्या हटाउने हो भने अदालत अगाडि होइन पार्टी कार्यालयमा प्रदर्शन गर्नुपर्छ।’
