काठमाडौं । अफगानिस्तानमा तालिबान लडाकुहरू राजधानी काबुलको चारैतिरबाट छिर्न थालेपछि अमेरिकाले आफ्नो दूतावासका कर्मचारीलाई हेलिकप्टरमार्फत उद्धार गरेको छ ।
काबुलामा तालिवान छिरेपछि अमेरिकाले आफ्नो दूतावासका कर्मचारीहरुलाई हेलिकोप्टरबाट उठाएर विमानस्थल तर्फ लगेको हाे ।
आइतवार बिहान मात्रै लडाकुहरूले पूर्वी सहर जलालाबादलाई बिनासङ्घर्ष नियन्त्रणमा लिएका थिए ।
तालिबान लडाकुले काबुलमा हिंसा नगर्न र बाहिरिन चाहनेलाई सुरक्षित रूपमा निस्कन दिन आफ्ना लडाकुहरूलाई निर्देशन दिएको रोएटर्सले जनाएको छ ।
काबुल छिर्न ठूलो संघर्ष गर्नुपरेको तालिवानले महिलाहरुलाई सुरक्षित स्थानमा जान पनि भनेको बताइएको छ ।
तालिवानले अफगान सरकारले सत्ता हस्तान्तरण गर्न अपील गरेको छ । आफूहरुले कुनै हिंसा नचाहेको भन्दै शान्तिपूर्ण रुपमा सत्ता हस्तान्तरण गर्न अफगान सरकारलाई अपील गरेको हो । अब अफगान सरकारको नियन्त्रणमा काबुल बिमानस्थल मात्र रहेको छ ।
