काठमाडौं । काठमाडौंको चाबहिलमा एक व्यक्तिले ६ महिनाकी गभर्वती श्रीमतीको घाँटी थिचेर हत्या गरेका छन् ।
महानगरीय प्रहरी वृत्त गौशालाका अनुसार मकवानपुरको हेटौंडा घर भई काठमाडौंको चाबहिल बस्दै आएका ३९ वर्षका राम श्रेष्ठले २३ वर्षकी श्रीमती रञ्जना तामाङको घाँटी थिचेर हत्या गरेका हुन् ।
हत्यापछि उनी आफैंले प्रहरीको हटलाइन १०० नम्बरमा फोन गरेर आफूले श्रीमतीको हत्या गरेको जानकारी दिएका थिए ।
श्रेष्ठको फोनपश्चात प्रहरी टोली पुग्दा कोठाभित्र चुकुल लगाएर बसेको अवस्थामा अभियुक्त र ओछ्यानमा रन्जनाको शव भेटिएको थियो ।
श्रीमतीसँग बिवाद हुँदा आफूले घाँटी थिचेर हत्या गरेको भनेर श्रेष्ठले स्वीकारेको गौशाला प्रहरीका डिएसपी केशव भट्टराईले बताए
घटनाकाबारे थप अनुसन्धान भइरहेको डीएसपी भट्टराईले जानकारी दिए ।
