जस कसले लिने भन्ने कुरा ठूलो हाेइन पानी आउनु ठूलो कुरा हाे : सांसद केसी

काठमाडौं । नेपाली कांग्रेसका नेता तथा सांसद राजेन्द्रकुमार केसीले मेलम्चीको पानी काठमाडौं ल्याएको जस कसले लिने भन्ने कुरा ठूलो नभइ पानी आउनु ठूलो कुरा भएकाे बताएका छन् ।

प्रतिनिधिसभा बैठकको विशेष समयमा बोल्दै नेता केसीले मेलम्चीको पानी काठमाडौं ल्याएको जस अहिलेको सरकारले मात्र लिन नमिल्ने बताउँदै यसाे भनेका हुन् ।

उनले मेलम्चीको पानी काठमाडौं ल्याउने सपना ३० वर्षअघि नै कांग्रेसका तत्कालिन नेता कृष्णप्रसाद भट्टराईले देखेकाले यसकाे जस अहिलेको सरकारले मात्र लिन नमिल्ने बताएका हुन् ।

३० वर्षयता भएको कामका कारणले नै अहिले मेलम्चीको पानी काठमाडौं आइपुगेको बताउँदै केसीले भने यो सबैका लागि खुशीको कुरा हो । उनले भने जस कसले लिने भन्दा पनि काठमाडौंमा पानी आउनु ठूलो कुरा हाे ।