रबि लामिछाने र भारतीय प्रधानमन्त्री मोदीबीच भेटवार्ता, द्विपक्षीय विषयमा छलफल

काठमाडौँ। राष्ट्रिय स्वतन्त्र पार्टी (रास्वपा)का सभापति रवि लामिछाने र भारतीय प्रधानमन्त्री नरेन्द्र मोदीबीच भेटवार्ता भएको छ। भेटका क्रममा दुई पक्षीय हितसँग सम्बन्धित विभिन्न विषयमा छलफल भएको बताइएको छ।

भेटलाई कूटनीतिक तथा राजनीतिक दृष्टिले महत्वपूर्ण मानिएको छ। दुवै पक्षबीच आपसी चासोका विविध विषयमा विचार(विमर्श भएको जनाइएको छ।

यसअघि सोमबार भारतको औपचारिक भ्रमणमा पुगेका सभापति लामिछानेलाई भारतीय जनता पार्टी ९भाजपा० कार्यालयमा औपचारिक स्वागत गरिएको थियो। सो अवसरमा भाजपा अध्यक्ष नितिन नवीनले उनलाई स्वागत गरेका थिए।

भ्रमणका क्रममा मंगलबार उनले भारतीय विदेश मन्त्री एस। जयशंकर तथा गृहमन्त्री अमित शाहसँग पनि छुट्टाछुट्टै भेटवार्ता गरेका थिए।

भाजपाको निमन्त्रणामा पाँच दिने औपचारिक भारत भ्रमणका लागि गएका लामिछानेसंग उनकी पत्नी निकिता पौडेल, रास्वपाका सहमहामन्त्री तथा प्रतिनिधिसभा सदस्य विपीनकुमार आचार्य, सचिवालय सदस्य तथा प्रतिनिधिसभा सदस्य दीपक बोहरा र स्वकीय सचिव प्रदीप आचार्य सहभागी छन्।