एमसीसी परियोजना फेरि सुरु हुने, अमेरिकाले दियो अनुमति

काठमाडौं । डोनाल्ड ट्रम्पले राष्ट्रपतिको कार्यभार सम्हालेपछि रोकिएको एमसीसी परियोजना अन्तगर्तका केही कार्यक्रम अगाडि बढाउन अमेरिकी सरकारले नेपाललाई अनुमति दिएको छ ।

अमेरिकाको वैदेशिक सहायतासम्बन्धी समीक्षा चलिरहेकै बेला अमेरिकी सरकारले एमसीसी अन्तर्गतका केही कार्य अगाडि बढाउन नेपाललाई अनुमति प्रदान गरेको हो ।

अमेरिकाले अगाडि बढाउन अनुमति दिएका कार्यहरूमा महत्त्वपूर्ण खरिद कार्यहरू र कार्यालय सञ्चालनसम्बन्धी आवश्यक कार्यहरू छन् । एमसीसीका कार्यहरुको पुनः थालनीका लागि व्यवस्थापन गरिरहेको बताएको एमसीए नेपालले यी कार्यक्रमहरुको निरन्तरताबारे भने प्रस्ट बताएको छैन ।

डोनाल्ड ट्रम्प अमेरिकाको राष्ट्रपतिमा निर्वाचित भएर आएपछि सबै प्रकारका विदेशी अनुदान स्थगन गरेका थिए । सो क्रममा एमसीसी परियोजना स्थगित भएको थियो भने नेपालमा सञ्चालित यूएसएडका कतिपय कार्यक्रम खारेजीमै परेका छन् ।