शोभा पाठक साधारण तारिखमा छुटिन्

काठमाडौं । महेश बस्नेतमाथि बलात्कारको आरोप लगाउँदैआएकी शोभा पाठक भनेर चिनिने जानुका पाठक साधारण तारेखमा छुटेकी छन् । काठमाडौं जिल्ला अदालतले बिहीबार साधारण तारेखमा छाड्न आदेश दिएको छ ।

काठमाडौं जिल्ला अदालतका न्यायाधीश ध्रुवराज कार्कीको इजलासले पाठकलाई साधारण तारेखमा छाड्न आदेश दिएको हो ।

पाठक १ पुसमा पक्राउ परेकी थिइन् । पाठकविरुद्ध साइबर कसुरको आरोपमा मुद्दा दायर गरिएको थियो ।

प्रहरी वृत्त स्वयम्भूले पाठकबिरुद्ध मुद्दा दायर गरेको थियो । राजकुमार त्रिपाठीले पाठकले सामाजिक सञ्जालमार्फत् आफ्नो बेइज्जत गरेको भन्द विरुद्ध निवदेन दिएका थिए । त्यसपछि स्वयम्भूको प्रहरी टोलीले पाठकलाई १ पुसमा पक्राउ गरेको थियो ।