पूर्वराजालाई भेटेर दुर्गा प्रसाईँले भने – धैर्य गर्नुस्, भ्रष्ट नेताबाट देशले छिट्टै निकास पाउँछ

काठमाडौं। बेलाबेलामा विवादमा परिरहने चर्चित व्यवसायी दुर्गा प्रसाईँ र पूर्वराजा ज्ञानेन्द्र शाहबीच भेटवार्ता भएको छ।

प्रसाईंले आज बिहान पूर्वराजा ज्ञानेन्द्रसँग भेटेपछि सामाजिक संञ्जाल फेसबुकमा देशले छिट्टै निकास पाउने बताएका हुन् ।

उनले लेखेका छन्, ‘श्री ५ महाराजधिराज सरकार संगको अर्थपूर्ण भेट । लघुवित्त, सहकारी, बैंकबाट पीडित नागरिकहरुले र भ्रष्ट नेताबाट प्रताडित देशले छिट्टै निकास पाउनेछ । धैर्य गर्नुहोला ।’

हिजोमात्रै प्रसाईंले अभिनेत्री मनिषा कोइरालासँग भेटवार्ता गरेका थिए । काठमाडौंमा एक चरण कडा आन्दोलन गरेर सुस्ताइरहेका प्रसाईं मनिषासँगको भेटपछि उत्साही बनेपछि आज पूर्वराजासँ भेटवार्ता गरेको हुन्। प्रसाईँले आउँदो फागुन १ गते काठमाडौँकेन्द्रित कार्यक्रम गर्दै छन्।