गायक योगेश वैद्यको निधन

काठमाडौं । वरिष्ठ गायक तथा सङ्गीतकार योगेश वैद्यको निधन भएको छ। उनको बिहीबार राति साढे १२ बजे उनको निधन भएको हाे । बिहीबार दिउँसो स्वास्थ्यमा केही समस्या देखिएपछि भ्याली अस्पताल लैजाने क्रममा उनको निधन पारिवारिक श्रोतले जनाएको छ।

७७ वर्षका गायक वैद्य नेपाली र नेपाल भाषाका प्रतिष्ठित गायक र सङ्गीतकार हुन्। नेपालीमा ‘सपना भुलाई सारा आँसु लिएर जाउ’, ‘मेरो आँसुमा नहाँसे’ र ‘नेपाल मेरो उपहार भो’ लोकप्रिय छन्। यस्तै नेपाल भाषामा ‘जय नमो सिरि बुद्ध भगवान’ र ‘जिमि यःम्ह थौ जिथाय् वइ’ लोकप्रिय रहेका छन्।

उनको आज पशुपतिमा अन्तिम संस्कार गरिने परिवारले जनाएको छ। उनका दुई छोरी र एक छोरा छन्।