त्रिभुवन विश्वविद्यालयको उपकुलपति पदका लागि दरखास्त आह्वान (सूचनासहित)

काठमाडौं। त्रिभुवन विश्वविद्यालयको उपकुलपति पदका लागि दरखास्त आह्वान भएको छ । शुक्रबार एक सूचना जारी गर्दै नाम सिफारिस गर्न गठित छनोट तथा सिफारिस समितिले रिक्त उपकुलपतिका लागि दरखास्त आह्वान गरेको हो

उक्त उपकुलपतिका लागि इच्छुक र योग्यता पुगेका नेपाली नागरिकहरूले १० दिनभित्र शिक्षा मन्त्रालयमा आवेदन पेस गर्न पनि आह्वान गरिएको हो।

सिफारिस समितिका अनुसार उपकुलपतिका लागि स्नातकोत्तर र विद्यावारिधी तहको शैक्षिक योग्यता, विश्विवद्यालयको पदाधिकारीमध्ये कुनै एक पदमा कम्तिमा तीन वर्ष काम गरेको हुनुपर्नेछ।

दरखास्त दिँदा बढीमा तीन हजार शब्दमा विश्वविद्यालय सम्बन्धि सोचपत्र र पाँच हजार शब्दमा चार वर्षे कार्ययोजना बुझाउनुपर्ने छ।

तत्कालीन उपकुलपति डा. धर्मकान्त बास्कोटाको कार्यकाल कात्तिक १८ गते सकिएपछि त्रिवी कात्तिकदेखि उपकुलपतिविहीन छ।

उपकुलपतिविहीन रहेको करिब २ महिनापछि नयाँ उपकुलपति नियुक्तिको लागि त्रिवीले प्रक्रिया सुरू गरेको हो।

आवेदन परेकामध्येबाट समितिले गरेको सिफारिसका आधारमा मन्त्रिपरिषद्ले त्रिवीको उपकुलपति नियुक्त गर्नेछ।

सूचना: