सरकार र शिक्षकहरूबीचको पहिलो चरणको वार्ता निष्कर्षविहिन

काठमाडौं । सरकार र संसद् सचिवालयमा दर्ता विद्यालय शिक्षा विधेयकको विरोधमा उत्रिएका शिक्षकहरूबीच भएको पहिलो चरणको वार्ता निष्कर्षविहिन बनेको छ ।

यसअघि शिक्षा मन्त्रालयले वार्तामा बोलाउँदा वार्तामा नबसेका शिक्षक आज भने गृहमन्त्री नारायणकाजी श्रेष्ठको पहलमा गृह मन्त्रालयमा वार्तामा बसेका हुन् । वार्ता सकारात्मक भएपनि निष्कर्षमा पुग्न सकेन् ।

गृहमन्त्री नारायणकाजी श्रेष्ठले सडक आन्दोलन छाड्न आग्रह गरेका थिए भने शिक्षकहरुले माग पूरा नभएसम्म आन्दोलन नछाड्ने अडान लिएका छन् ।

आज बिहान भएको वार्तामा उपप्रधान एवम् गृहमन्त्री नारायणकाजी श्रेष्ठ, शिक्षामन्त्री अशोक कुमार राई, शिक्षा मन्त्रालयका सचिव सुरेश अधिकारी, शिक्षक महासंघकी अध्यक्ष कमला तुलाधर तथा नेपाल शिक्षक संघ, नेपाल राष्ट्रिय शिक्षक संगठन र अखिल नेपाल शिक्षक संगठनका प्रतिनिधिहरु सहभागी थिए ।