बाढीपहिरो प्रभावित क्षेत्रको अवलोकनमा पुगे प्रधानमन्त्री प्रचण्ड

काठमाडाैं। प्रधानमन्त्री पुष्पकमल दाहाल प्रचण्ड बाढीपहिरो प्रभावित क्षेत्रको अवलोकनका लागि सङ्खुवासभा पुगेका छन्।

आज (सोमबार)दिउँसो संखुवासभाको तुम्लिङटार पुगेर प्रचण्डले बाढीपहिरो प्रभावित क्षेत्रको अवलोकन गरेका छन् ।

अवलोकनमा पुगेका प्रधानामन्त्री प्रचण्डले प्रमुख जिल्ला अधिकारीसँग जिल्लामा राहत र उद्दारका लागि भइरहेका गतिविधिबारे जिज्ञासा राखेका थिए ।

उनले उद्दार, राहत र बेपत्ताहरूको खोजी कार्यमा जिल्लाका सबै सरकारी संयन्त्रलाई निर्देशन दिँदै स्वयंसेवी संघसंस्थामा अपिल पनि गरे ।

प्रधानमन्त्रीले तत्कालै सडक सञ्जाल जोड्न बेलिब्रिज, घरबार विहीनलाई तत्काल स्थानान्तरण र भोलिको लागि आवासको व्यवस्था मिलाउन सरकारले तदारूकताका साथ काम गर्ने बताए ।

‘म अस्ति मात्र मेलम्ची गएको थिएँ । त्यहा जसरी आकस्मिक बाढीले धनजनको क्षति भएको थियो यहाँ पनि त्यसरी नै आकस्मिक रूपमा प्रकोप देखियो,’ उनले भने ।

उनीसँगै उपप्रधान तथा गृहमन्त्री नारायणकाजी श्रेष्ठ, भौतिक पूर्वाधार मन्त्री प्रकाश ज्वालालगायत पनि छन् ।

प्रधानमन्त्री आजै बाढीपहिरो प्रभावित ताप्लेजुङ र पाँचथरको अवलोकन गरी अपराह्न काठमाडौं फर्किने छन् ।