‘जारी’को क्लिप्स टिकटकमा छ्यापछ्याप्ती,निर्माताले गराए ३२ सामाजिक सञ्जालविरुद्ध उजुरी दर्ता

काठमाडौं। अहिले प्रदर्शनमा रहेको ‘जारी’ फिल्मका निर्माताले उक्त फिल्मको भिडियो क्लिपहरु टिकटमा छ्यापछ्यापी भेटिएपछि ३२ सामाजिक सञ्जालविरुद्ध उजुरी दर्ता गराएका छन् ।

जारीका निर्माता मणिराम पोखरेलले हलमा फिल्म खिचेर विभिन्न सामाजिक सञ्जालले भिडियो अपलोड गरेको भन्दै उजुरी दिएका हुन् । उनले पाइरेसीबाट निर्मातालाई पर्न गएको आर्थिक घाटाको क्षतिपूर्ति दिलाउन पनि माग गरेका छन् ।

उनले आज (आइतबार) नेपाल प्रहरीको साइबर व्युरोमा फेसबुक, युट्युव, टिकटक र इन्ट्राग्राम लगायतका ३२ वटा सामाजिक सञ्जालविरुद्ध उजुरी दर्ता गराएका छन् ।

निकै आक्रमक रुपमा प्रदर्शनमा आइरहेको जारी फिल्मको भिडियो क्लीपहरु अहिले सामाजिक सञ्जालमा जताततै देख्न पाइन्छ । वैशाख १ गतेबाट प्रदर्शनमा आएको उपेन्द्र सुब्बा निर्देशित ‘जारी’ ले आक्रामक व्यपार गरिरहेको छ। यस फिल्ममा दयाहाङ राई र मिरुना मगर मुख्य भूमिकामा छन्।