उद्योग वाणिज्य महासंघको निर्वाचन दोस्रो चरणमा हुने

काठमाडौं । नेपाल उद्योग वाणिज्य महासंघको वरिष्ठ उपाध्यक्ष पदको निर्वाचन पुन: दोस्रो चरणमा हुने भएको छ । महासंघको वरिष्ठ उपाध्यक्षतर्फ कसैको पनि ५० प्रतिशत मतभार नकटेपछि दोस्रो चरणको निर्वाचन हुने भएको हो।

दोस्रो चरणको निर्वाचनमा सबैभन्दा धेरै मत पाएका दुई उम्मेदवार रामचन्द्र संघाई र अन्जान श्रेष्ठबीच प्रतिस्पर्धा हुने छ । अध्यक्ष पदमा संघाई, श्रेष्ठसँगै र उमेशलाल श्रेष्ठ पनि प्रतिस्पर्धामा थिए ।

अहिले २० प्रतिशत मतभार रहेको वस्तुगत तर्फको मतगणना जारी छ । ८० प्रतिशत मतभारको गणना सकिंदासम्म अहिलेसम्म ५० प्रतिशत मतभार कुनै उम्मेदवारको कटेको छैन ।

जिल्ला नगरतर्फ ५० प्रतिशत मतभारमध्ये अञ्जले ४७, रामचन्द्रले ३९ र उमेशलालले २८ प्रतिशत मत पाएका छन् ।

एशोसिएटतर्फको ३० प्रतिशत मत भारमध्ये रामचन्द्रले ११.४ प्रतिशत, अन्जनले १०.७ प्रतिशत र उमेशले ७.९ प्रतिशत मत प्राप्त गरेका छन् ।